Google ჩვენი მეგობარია

   ინოვაციური ტექნოლოგიებისა და მაღალსიჩქარიანი ინტერნეტის ეპოქაში   ვირტუალურად ინფორმაციის მოძიება ნებისმიერ თემაზეა შესაძებელი. სულ   რამდენიმე წუთში გვექნება ეკრანზე უგემრიელესი პუდინგის რეცეპტი ან           შევიტყობთ ყველაფერს ტალღა-ნაწილაკის დუალობის თეორიის შესახებ.

   უმეტესწილად ჩვენი ინტერესი კონკრეტულ საკითხებს შეეხება და დიდი ინფორმაციიდან მისი მცირე ნაწილი გვჭირდება, რის მოძიებასაც წუთები კი არა, საათებიც შეიძლება დასჭირდეს. ამიტომაც წარმოგიდგენთ იმ ეფექტური მეთოდების ჩამონათვალს, რომლებიც Google-ის საძიებო ბაზაში, საჭირო ინფრომაციას რამდენიმე „დაკლიკვაში“ მოგაძებნინებთ.

1. ეს ან ის

ზოგჯერ არ ვართ დარწმუნებული, რამდენად სწორად გვახსოვს ესა თუ ის ინფორმაცია ან სახელი, რომლის მოძიებაც გვსურს. თუმცა ეს სულაც არაა პრობლემა. მარტივად ჩაწერეთ პოტენციური სიტყვის/ინფორმაციის რამდენიმე ვერსია და გამოყავით ისინი სწორი ხაზის სიმბოლოთი – “|” . ან სიმბოლოს ნაცვლად დაწერეთ კავშირი „or” (ან). ამ მეთოდის გამოყენებით მიღებული ძიების შედეგებიდან გაცილებით იოლად შეძლებთ ყველაზე რელევანტურის შერჩევას.

2. ძიება სინონიმებით

ინგლისური ენა სინონიმებით მდიდარია. სინონიმების მეთოდი ძალზე მოსახერხებელია, როცა რაიმე თემაზე კვლევას ვაკეთებთ და ინტერნეტით ინფორმაციას ვიძებთ. თუ თქვენ გსურთ, კონკრეტულ თემაზე, მოიძიოთ რიგი საიტები და არა ერთი საიტი, რომელიც საკვანძო ფრაზას მოიცავს, საძიებო სიტყვებს დაუმატეთ „დაახლოვების“ სიმბოლო “~”. მაგალითად, თუ თქვენი საძიებო თემაა – “Healthy Food” (“ჯანსაღი საკვები”), დაწერეთ, „healthy ~food” (“ჯანსაღი~საკვები“) და შედეგად მიიღებთ საიტების ნუსხას, რომელიც ეხება როგორც სწორად კვებას, ასევე რეცეპტებს და ადგილებს, სადაც ჯანსაღად კვებაა შესაძლებელი.

აღნიშნული სიმბოლოს დასაწერად window-ზე გამოიყენეთ კლავიატურის კომბინაცია ALT+8764 (მთარგ. შენიშვნა)

3. ინფორმაციის მოძიება კონკრეტულ ვებგვერდზე

ზოგჯერ გადააწყდებით ძალიან საინტერესო სტატიას საიტზე, რომლის გადაკითხვაც გარკვეული პერიოდის შემდეგ მოგინდებათ ან მეგობრისთვის გაზიარებას გადაწყვეტთ. კონკრეტული სტატიის ძიების ყველაზე მარტივი გზა  საიტს შიგნით ძიებაა.

ამისათვის, Google-ის საძიებო ველში ჩაწერეთ ვებგვერდის მისამართი, ტექსტიდან საკვანძო სიტყვა ან ფრაზა და საძიებო სტატია დაუყონებლივ ამოვარდება.

4. „ფიფქის ძალა“ – *

როცა ვერ იხსენებთ კონკრეტულ საკვანძო სიტყვას, ფრაზას ან რიცხვს, შეგიძლიათ „ფიფქის“ სიმბოლოს მიმათოთ ” * “. უბარლოდ გამოიყენეთ ” * ” იმ სიტყვის ან რიცხვების შემდგომ, რომელიც ზუსტად არ გახსოვთ და გუგლის სისტემიდან შეძლებთ გახვიდეთ საძიებო ინფორმაციაზე.

5. როცა ბევრი სიტყვაა გამოტოვებული

თუ ფრაზიდან ერთ სიტყვას კი არა, მათ ნახევარსაც  ვერ იხსენებთ, სცადეთ ფრაზის პირველი და ბოლო სიტყვების ჩაწერა და მათ შორის ჩაწერეთ ფუნქცია “AROUND + (ნაკლული სიტყვების სავარაუდო რაოდენობა)“. მაგალითად: ”I wandered AROUND(4) cloud.”

6. დროითი მსაზღვრელი

ხანდახან ძალიან გვჭირდება კონკრეტულ პერიოდში მომხდარი მოვლენების მოძიება. ამისათვის, საძიებო სისტემაში მოვლენას დაუმატეთ დროითი მსაზღვრელი და მათ შორის სამი წერტილი ჩასვით. მაგალითად, თუ გვსურს გავიგოთ მეცნიერული აღმოჩენების შესახებ მე-20 საუკუნეში, ვწერთ: მეცნიერული აღმოჩენები 1900…2000

7. ძიება სათაურისა და URL-ის მიხედვით

სტატიის საკვანძო სიტყვებისა და სათაურის საძიებლად დაწერეთ „intitle:“ საძიებელი სიტყვის/სათაურის წინ ყოველგვარი გამოტოვების გარეშე. ხოლო, URL-დან სიტყცების საძიებლად, გამოიყენეთ ”inurl:”.

8. მსგავსი ვებგვერდების მოძიება

თუ რომელიმე საიტი ძალიან მოგეწონათ და მსგავსი ვებგვერდებით დაინტერესდით, ჩაწერეთ “related:” და შემდგომ საიტის მისამართი. ამ შემთხვევაშიც გამოტოვების გარეშე.

9. სრული ფრაზები

ზუსტად იმ ფრაზის საპოვნელად, რაც საძიებო ველში ჩაწერეთ, ყველაზე ეფექტური მეთოდი ფრაზის ბრჭყალებში ჩასმაა. მაგალითად: თუ ძიების ველში, ბრჭყალების გარეშე ჩაწერთ ფრაზას, I’m picking up good vibrations , საძიებო სისტემა გამოიტანს შედეგებს, რომლებშიც ეს სიტყვები იქნება, თუმცა ნებისმიერი თანმიმდევრობით და არა აუცილებლად იმავე რიგითობით, როგორც ჩაწერეთ. მაგრამ თუ დაწერთ – “I’m picking up good vibrations”, მიიღებთ შედეგებს მხოლოდ ანალიგიური სიტყვათა თანმიმდევრობით. ეს მეთოდი საუკეთესო საშუალებაა სიმღერის ტექსტების მოსაძებნად, როცა მხოლოდ რამდენიმე სტროფი იცით.

10. არასასურველი საძიებო სიტყვები

ძიების შედეგად არასასურველი სიტყვებისგან თავის არიდებისათვის დაწერეთ „მინუს“ სიმბოლო. მინუსი დაწერეთ ყოველი მსგავსი სიტყვის წინ. მაგალითად, თუ გსურთ მოიძიოთ საიტი საინტერესო წიგნებზე, მაგრამ ყიდვით არ ხართ დაინტერესებული, დაწერეთ შემდეგნაირად: საინტერესო წიგნები -ყიდვა.

Toggle 

  გარდა ამისა, გთავაზობთ 17 ხერხს, რომლებიც დაგეხმარებათ გაცილებით ეფექტურად მოიძიოთ თქვენთვის საჭირო ინფორმაცია Google-ში.

1. როგორ მოვძებნოთ ზუსტი ფრაზა ან სიტყვის ფორმა – ზუსტი ფრაზის ან სიტყვის ფორმის მოძებნა მარტივია! ამისათვის გამოიყენეთ ბრჭყალები “”. ჩასვით სიტყვა ან ფრაზა ბრჭყალებში და Google მოძებნის ვებ-გვერდებს ან დოკუმენტებს, რომლებშიც არის ზუსტად ეს ფრაზა (სიტყვის ფორმა)

2. როგორ მოვძებნოთ ციტატა, რომელშიც გამოტოვებულია სიტყვა – თუკი ციტატაში სიტყვა დაგავიწყდათ – არაუშავს! უბრალოდ ჩაწერეთ მთლიანი თქვენი ციტატა ბრჭყალებში და გამოტოვებული სიტყვის მაგივრად დაწერეთ ვარსკვლავი *. თქვენი ციტატა მოიძებნება გამოტოვებულ სიტყვასთან ერთად.

3. როგორ მოვძებნოთ რომელიმესიტყვა რამდენიმედან – უბრალოდ ჩამოთვალეთ ყველა შესაბამისი ვარიანტი ვერტიკალური ხაზის სიმბოლოს გამოყოფით: |. Google მოძებნის დოკუმენტებს, რომლებშიც ამ სიტყვათაგან რომელიმე წერია.

4. როგორ მოვძებნოთ სიტყვები ერთი წინადადების ფარგლებში – გამოიყენეთ სიმბოლო ლამაზი სახელით “ამპერსანდ” – &. თუკი სიტყვებს დაუკავშირებთ ერთმანეთს სწორედ ამ სიმბოლოთი, Google მოძებნის დოკუმენტებს, სადაც ეს სიტყვები ერთ წინადადებაში წერია.

5. როგორ მოვძებნოთ დოკუმენტი, რომელიც შეიცავს კონკრეტულ სიტყვას – დაწერეთ სასურველი სიტყვის წინ პლუს ნიშანი + ადგილის გამოტოვების გარეშე. საძიებო ველში შესაძლებელია ერთდროულად რამდენიმე საჭირო სიტყვის ჩართვა.

6. როგორ გამოვრიცხოთ სიტყვა ძიებიდან – დაწერეთ მინუს ნიშანი სიტყვის წინ, რომლის გამოჩენაც არ გსურთ ძიების შედეგებში. ამ გზით შესაძლებელია რამდენიმე სიტყვის გამორიცხვაც.

7. როგორ მოვძებნოთ კონკრეტულ საიტზე – ამისათვის გამოიყენეთ ოპერატორი site. იგი საშუალებას იძლევა მიუთითოთ ვებ-გვერდის მისამართი, რომელზეც უნდა მოიძებნოს ინფორმაცია. აუცილებელია სიტყვა site-ს შემდეგ დაისვას ორწერტილი, ანუ site:

8. როგორ მოვძებნოთ კონკრეტული ტიპის დოკუმენტი – დაგჭირდებათ ოპერატორი filetype. საძიებო ველში ჩაწერეთ filetype, ორწერტილი და შემდეგ სასურველი დოკუმენტის ტიპი. მაგალითად, pdf ან doc.

9. როგორ მოვძებნოთ ინფორმაცია სასურველ ენაზე – გამოიყენეთ ოპერატორი lang, რომლის შემდეგ უნდა დაწეროთ ორწერტილი და მიუთითოთ სასურველი ენა. მაგალითად, თუ გვსურს ინფორმაცია რუსულ ენაზე მოვიძიოთ ვწერთ lang:ru, ინგლისური ენისთვის lang:en, ფრანგულისთვის lang:fr და ა.შ.

10. სიტყვის მნიშვნელობა – ჩაწერეთ საძიებო ველში define: და სიტყვა, რომლის მნიშვნელობის გაგებაც გსურთ.

11. სიდიდის ერთეულების (მაგ.: წონის, ზომის) კონვერტაცია – თუ თქვენ გსურთ სიდიდის ერთეულების კონვერტაცია უბრალოდ ჩაწერეთ საძიებო ველში. მაგალითად: 1 kg in gr.

12. ვალუტის კურსის გაგება – იმისათვის, რომ გაიგოთ ვალუტის კურსი ჩაწერეთ საძიებო ველში სასურველი მოთხოვნა. მაგალითად: 1 dollar in lari.

13. ზუსტი დროის გაგება ქალაქების მიხედვით – შეიყვანეთ საძიებო ველში მოთხოვნა “time” და “ქალაქი” – პირველივე სტრიქონში გამოჩნდება ამ ქალაქის ზუსტი დრო. მაგალითად time თბილისი.

14. კალკულატორი – საკმარისია მხოლოდ ჩავწეროთ მაგალითი – Google გვიჩვენებს სწორ პასუხს.

15. ქეშირებული გვერდის ძიება – Google-ს აქვს საკუთარი სერვერები, სადაც ინახავს ქეშირებულ გვერდებს. თუ გსურთ ამ გვერდის მოძებნა გამოიყენეთ cache: და სასურველი საიტის მისამართი.

16. ამინდის პროგნოზი ქალაქების მიხედვით – ისევე, როგორც დროის გაგების შემთხვევაში, ამ შემთხვევაშიც ვიყენებთ მოთხოვნას “weather” და “ქალაქი”. ამგვარად იგებთ ამინდის პროგნოზს სასურველი ქალაქისთვის. მაგალითად: weather tbilisi.

17. მთარგმნელი – შესაძლებელია გადათარგმნოთ სიტყვები Google-ს საძიებო სისტემის მეშვეობით. ამისათვის იყენებთ შემდეგ მოთხოვნას: translate სიტყვა into სასურველი ენა. 

მასალა მოპოვებულია edu.aris.ge -ზე